Man-yag

credits @muratseyit

"Paano kung kaya kung hayaan muna kita?" Masakit marinig na kaya kang pabayaan ng isang tao lalo pa kung mahal mo. Kabiyak kung ituring ngunit kapag nahirapan ay kayang kayang tiisin. Kung ako ang tatanungin, hindi ko kayang hayaan ka na lang at 'di bigyang pansin.

Tindahan ng mga Puso

credits @sacredheartmission

Nakakamangha. Isang taon na pala ang nakakalipas. Parang kailan lang ay halos pulutin ko ang aking puso sa lupa. Yung tipong na tapak-tapakan na at mapapaisip ka nalang kung may pagasa pa ba. Kung puede nga lang bumili ng panibago edi pabalik-balik sana ako at magiging suki sa tindahan ng mga puso. 

Minsang Itong Tahanan

credits @googlemaps

Ang kwarto ko ay ganon pa rin ngunit iba ang pakiramdam kesa sa dati. Sa garahe, nandoon si Vola, ang aso kong duwag at maligalig. Ang pamagkin kong parang kailan lang ay tahimik dahil gumagawa ng milagro sa gilid, ngayon ay magisang napapangiti ng sigurado ay marami niyang tagahanga.

Pagkatapos ng Sandali

photo credits @lakadpilipinas

Habang naglalakad na tinatakasan ang sumasakop na dilim sa dapit-hapon, tahimik ako at tahimik ka din dahil hiya pa ang parehong umiiral sa atin. Sa bawat hakbang, mas umiikli ang oras para makabuo ng desisyon kung papaano ako magpapaalam sa'yo, bukod pa sa ano kayang mararamdaman mo kung magbigay ako ng halik sa iyo, kahit sa pisngi lang o' 'di kaya'y sa noo.

Salbabida

Sa araw-araw na paglayag ko sa aking sarili at nalulunod na mundo, may araw din na tayo ay nagkatagpo at mga mata ay nagkabangga. Na parang natagpuan ko na din ang aking sarili.

Kabilang Kwarto

photo credits @moveinthecity

Rinig sa kabilang kwarto ang ingay. Ingay dati'y dahil sa akin mo nalilikha. Sadya bang ang init sa akin ay nawala? O lahat ng hanap ay sakaniya mo nakita?.

Puno ng Liwanag

photo credits @lightknights

Naisip ko. Pano kaya tayo nananatiling matatag kahit sobrang hirap nang tumayo sa mga araw-araw nating laban. Pano kaya natin nalalaman na darating din yung araw na iba naman sa ating mga nakasanayan. Yung alam mong magiging masaya ka din at makakaluwag kahit alam mo rin namang napakalayo mo pa para makarating sa iyong mga pinapangarap.

Sangang Daan

image credits @joseburgos

Magpakita ka sa iyong araw
Baka ikaw ang hinihintay na dalaw
Guluhin ang tahimik kong buhay
Dalhin sa pagkakasalang hukay

Ganito Ba Ang Magmahal?

image credits @istock

Mapapadpad sa kung saan, mababangga sa kung sino 'man, at sa kaniya ay mananatiling nakadikit, kahit ang lahat ay walang kasiguraduhan. Tatlong araw? tatlong taon? tatlong buwan? sino bang nakakaalam?. Mauupo sa sariling paghihirap para siya ay magandang mapagmasdan. Sa sarili ay katanungan, tama ba ako ng taong tinigilan?

Paambon sa Oktubre

art credits @kompasiana

Kamusta ka? Ako naman ayos lang. Alam kong marami kang nararamdaman ngayon, magsabi ka lang sana, hindi ka nagiisa, sabihin mo kung may kailangan ka. Nandyan ang pamilya mo, ang mga kaibigang mo, kung hindi mo alam, maraming ang nagmamahal sa'yo ng totoo. Isa na ako.

Tinoyo

image credits @lordshaax

May mga drama sa buhay natin
Sa iba'y ayaw na nating sabihin
Nakakahiya? Di na para aminin?

Pero ang sakit nananatili sa atin

Patungkol Kay Diana Lyn

photo credits @ttsellvs

Sabi niya hindi na siya naniniwalang matatupad ko ang aking mga pangako. Yung darating ang araw ay makakagala kami sa magaganda at malalayong lugar. Mabibili ang lahat ng maibigan. Maraming oras na mailalaan para sa isa't-isa. May negosyo at hindi kailangang kumayod na parang kabayo sa pabrika. At titira sa tahanan na masasabing sa amin, hindi nakatira sa magulang, at walang upang binabayaran. Kahit mabigat 'yon dalahin sa aking likuran lalo't parang ako lang, lahat yon ay pinangako kong isasakatuparan. Sa gabay ng Panginoon at pagsusumikap.

Anak ng Pusa

photo credits @flickr

Alas nuebe na pala, hindi na ako nagigising ng maaga. Kung hindi pa tugusan ang init sa yero at plywood ay siguradong mahimbing pa rin sa pagkakahiga. Nakahain na sa mesa, kuryente, tubig, utang, at upa. Magkakape na lang sana pero ang termos, mas mabigat pa yung tasa.

Bato sa Isla

photo credits @gmanetwork

"Hindi ka na sanay ah." Biro ko sa kaniya habang inaalalayan sa mga hakbang. Hawak ang kaniyang malambot at maputing kamay, ibang-iba sa dati pati ang wangis niya, may mga palamuti sa balat at matapang na amoy ng mga rosas sa kaniya. Mula sa pagdaong ng bangka hanggang sa pag ahon ay walang kahit anong imik na maririnig sa kaniya. Dahil siguro hindi naman niya inasahang susundo pa ako sa kaniya, nabalitaan ko kasing darating siya.

Magiging Masaya Ako

art credits @etsy

Dalawa lang naman daw ang klase ng pamumuhay, yung salat at sagana. Si Ana hindi pa niya alam kung nasaan siya, may kinikita naman kasi siya pero kapalit non ay ang magdamag na paghahanap buhay niya. Yung uuwi na lang para magpahinga, nakailang scroll palang sa mga reels ay malalaglag na ang cellphone sa kaniya. Heto nga't imbis na makakapag checkout na ng mga nakapilang bilihin, kailangan munang unahin ang pamalit sa buwan-buwang nababasag niyang screen.

Ang Tulang Hindi Mo Maiintindihan

art credits @behance.net

Pinasan ko lahat ng sakit sa aking likuran
Nilulunok ang lahat ng galit 'pag ikaw ay nariyan
Pinilit baguhin ang aking mga nakasanayan
Ngunit makipot ang kalsada ng nais mong daanan

Gurang

credits @mitochondriagallery

Nasaksihan ko ang sarili kong pagbabago
Mula sa taong hindi malaman kung saan patungo
Ngayon ay taong nabubuhay para lang sayo
'Di naman talaga ibig sabihin non na alipin mo ako

Tadhana sa Sisayd

photo credits @moa_seaside

Hindi naman talaga ako naniniwala sa hiwaga, himala, hula o anuman. Hindi nga maipaliwanag ni Charles Darwin kung bakit laging mas tama ang mga babae kesa sa lalake. Hindi nga tumataya ng lotto ang mga maghuhula, nandun lang sila sa Quiapo matyagang naghihintay ng maiisahan. Hindi rin maipaliwanag ng science kung bakit moderno na pero kailngang makaluma pa rin ang gawi ng panliligaw ko kay Sheena.

Hindi Tayo Nagiisa

photo credits @tonite_abante

Sa pagbukas ng telebisyon ng aking Mahal, kahit anong istasyon niya ilagay ay pareho lang ang ulo ng mga ulat. Ang parating na bagyo daw ay kasing lakas ng super typhoon noon na sa amin ay gumimbal at sumira sa aming tahanan. Ang alaala ng delubyong iyon ay hindi pa nga nawawala sa aking isipan.

wabi-sabi

photo credits @istockphoto

Sa bawat tinatago ng ating damdamin
Naka kubli ang sakit na hindi natin maamin
Bawat ngiti na sa kanila'y tinakpan natin
Ligaya pala nila ang ipinagkakait natin

Raztinela

art credits @artsper

Kinuha mong lahat ng aking paniniwala
Sa maling pagibig ako'y pinaniwala

Hinayaan kitang lahat ay makuha
Kahit nagpapanggap akong hindi dukha

Sa kabila ng lahat ng aking ginawa
Sayo ako pa rin ay hindi tumutugma

Sayo ako pa rin ay puro salita
At kahit kailan ay walang magagawa

Paikot-ikot Lang Naman Tayo

photo credits @cheapings.top

"Paikot-ikot lang naman tayo." Sabi ko kay Machie, nung naghahanap siya ng kung ano sa paligid. Anong pwedeng makain, anong pwedeng mabili, anong pwedeng tignan, anong pwedeng usisain, at anong pwedeng pagkwentuhan. Kanina pa kami palakad-lakad, nakailang labas-'masok na rin kami sa mall, at mga pamilihan sa daan. Hindi kaya marami na syang naisip gawin at bilihin pero hindi pa kasi ako humugot sa aking bulsa. Sana hindi. Dahil wala rin naman kasi akong masyadong dalang erap.

Hindi Ka Ba Nauumay Sakin?

photo credits @pxfuel

"Hindi ka ba nauumay sakin?" tanong ni Ira na may halong pag aalala. Kahit pa alam naman niya ang sagot ko sa tanong niya. Kahit pa ang nakakaumay lang naman talaga ay ang paulit-ulit na pagtatanong niya.

"San ba tayo ngayon Love?" sagot ko naman na halatang paraan ng pag skip ko sa tanong niya.

Anak ng Magmamais

photo credits @gettyimage

Ibang iba na ang Taysan. Malayo sa ating dating ginagalawan. Hindi naman talaga ako nasanay dito, ang pagbisita ng pamilya namin dito madalas hindi tumatagal ng isang buwan. Dati, taun-taon kaming nandito para mamasko sa mga Tiyo at Tiya, Ninong at Ninang. Pero habang tumatanda dumalang na. Masakit aminin pero parang nagpupunta na lang kami kapag kailangan nang magpaalam sa kanila sa huling pagkakataon at ipakita ang pakikiramay. Pati ang Lolo't Lola, humaba ang buhay pero alaala na lang rin sila ng aking kabataan.

Ating Daungan

photo credits @ynalove

Hindi mapapagod ang bibig ni Wena ipaalam sa akin kung gaano siya kapalad. Sa tagal ng panahon, makakatagpo din pala siya ng isang tulad ko. Aminadong hindi perpekto ngunit para sa kaniya ako ay natupad na pangarap. Ang lalaking ituturing siyang prinsesa, ang lalaking rerespetuhin ang pagka babae niya, lalaking pakikinggan at iintindihin ang nga nararamdaman niya, lalaking sasama sa kaniya kahit saan, lalaking handang hingiin muna ang kamay ng magulang niya bago ang sa kaniya.

Walang Alam na Pag-ibig

art credits @saachiart

Nagising akong lasing padin sa katotohanan. Kagabi, ilang dating kasintahan kaya ang sinubukan kong tawagan? Siguradong pinagtawanan ang hibang nilang kainuman. Walang-wala na pero naghahanap pa rin ng sa kanila'y maipagmamayabang. Bakit kasi hindi ko kayang tanggapin ang katotohanan. Kung bawat relasyong nagdaan na ang patunay na ako'y kaiwan-iwan.

Carroza

photo credits @fdipostassic

Sabi ko. "Ang bilis mo maglakad. Para kang walang kasama, palagi nalang akong naiiwan." at alam mong nagtatampo ako kaya naman agad kang tumitigil para maghintay sa akin. Parang sa relasyon din natin, alam mong nabibilisan ako sa'yo pero palagi mong ipapadama sa akin na handa kang maghintay para sa akin, na maging handa na ako sa lahat ng laban na sabay nating haharapin.

Somno

image credits @99designs

Paligid-ligid lang ang mga tinig
Nagsasabing ang bangka ko'y tagilid
Ngunit sa kanila'y 'di padadaig
At ipagpapatuloy ang aking pagibig

Kalimbahin

photo credits @phstar

Kainitan ng tanghali ang pagdaan sakin ni Bernard. Mahinahon siya at naka gayak. Malayo sa normal niyang pagsundo sa akin na akala mo'y palagi akong may pagkakautang sa kaniya kung tumawag para pababain ako sa salas. Pati si Mama at Papa ay nanibago sa kaniya. Bukod sa matagal nang hindi napabisita ang aking kaibigan, sa pagkakataong ito pa ay dire-derecho niya akong tinungo sa aking higaan.

novufes

credits @wallpaper_crafter

Masayang araw na sana ang tinuldukan mo sa'yong pagdaan sa aking harapan. Ano pa noong hinila mo palabas ang upuan na parang bawal dikitan ng bacteria ang iyong mga kamay. Nakuha pang lumingon sa akin at dahil sa itim na shades ay tumaas na kilay lang ang nakita ko't nang inis pang palalo sa akin. Nakakatawa lang isipin. Minsan kong minahal ang isang katulad mong mapagmalaki at feeling magaling.

Sa Ating Mga Sukdulan

credits @wallpaper_sad_love

Sa aking mga mata'y subukan mo akong titigan
Kaya mo pa kayang ibigay sa akin ang kaligtasan?

Alamin ang aking mga kasinungalingan
At ituwid ang mga ito sayong pamamaraan?

Maging musika na nais kong mapakinggan
At sa iyong malambing na tinig ako'y iyong iduyan?

Liwanag sa Laoag

photo credits @dirk_sigmund

May nakatagong mensahe ang hindi niya pag ngiti at pagsasalita. Nakaupo sa batong nakursunada. Nakahanda nang postura para mag tampisaw ngunit salumbaba niya ang bigat ng masungit na mukha. Siya naman talaga ang nagyaya ngunit parang hinihintay lang niyang may malaglagan ng buko sa aming mga kasama. Sa arkilang sasakyan pa lang ay nabutas na ang aking bulsa. Ngunit literal na mukhang hindi ko pa rin napasaya ang aking Sinta.

Silweta

image credits @istock

Bumyahe kahit walang patutunguhan

Hinahanap ang sa buhay ko'y kabuluhan

Silweta mo'y patuloy na nararamdaman

Na parang kailanama'y hindi ka lumisan

Muling magdiriwang sa aking kalungkutan

Ang mga mata kong gustong magpaulan

Tila maitim na ulap na wala namang laman

Kalubhaan ang sa akin ay tanging naiwan

Sa Manati

photo credits @travelingmorion

Magkasama nating tatakbuhin muli ang tuktok ng Manati sa aking isip. Mga batang isip. At walang ibang inisip kun'di ang pagbilis ng panahon para ang kalayaan ng pagdedesisyon sa buhay ay makamit. Nandoon ang puno ng Balete na ating sandalan, bulungan, at takbuhan. Kung tutuusin, ikaw talaga ang lahat ng 'yon sakin. At hiling kong sana ako sayo ay ganon din.

Binangonan

photo credits @iamnoempty

Natagpuan kitang may bigat sa 'yong mga mata. Nagtatanong sa'yong sarili at tila naghihintay lang ng makakausap para ilabas ang mga kasakitang hindi mo inakalang mararanasan mo sa'yong buhay. Kahit saglit lang ay kakayanan mong manlunod ng isang damdamin at sa kaniya'y iparamdam na-wala ang lahat ng 'yong karanasan sa bawat pilay na masakit kong binangunan.

Yna Miranda

photo credits @acelove

Naalala ko noon. Ako mismo ang naghahanap ng paraan para pasayahin ang sarili. Gagala kung saan, kakain ng anumang maibigan, hahanap ng mapaglilibangan, hahanap ng bagong mapagkakaabalahan, at magpapatangay sa paa san man ang maisip nitong puntahan.

Makapiling Hanggang Hinaharap?

image credits @viktorija_lapteva

Nakakatuwang isipin.
May kasintahan akong palaging naghihintay sa akin.

Gwapo ako sa kaniyang paningin.
Kaya natatakot akong sa iba siya pa'y tumingin.

Ang sarap kung iisipin.
May katuwang na ako sa lahat ng aking mithiin.

Ang saya kung tatanawin.
Mga alaalang nabuo na at bubuuin pa lang namin.

Gaano Ko Ikaw Kamahal

photo credits @ynalove

Madaling sabihin ang ating mga nararamdaman. Ngunit sigurado bang tayo ay maiintindihan? Madaling sabihing-nilimot ko na ang nakaraan. Ngunit sa puso mo'y ito ba ang  tunay na nararamdaman? Madaling umibig at magpaibig. Ngunit sigurado bang hindi tayo masasaktan? Madaling sabihing-kaya ko pa naman. Ngunit malalaman ba nila kung gaano ka nahihirapan?

Oras Na Ba?

photo credits: funeralforafriend

Tapos na ang mga pagdiriwang at pagugulungin nating muli ang mga araw patungong Disyembre. Hindi ang bawat kahapon ang dapat nating alalahanin-'ika niya. Hindi na nga ba dapat pang alalahanin dahil hindi naman talaga kailanman ang mga alaalang dulot nito'y naging maganda?

Unang Apat

image credits: girlystuff

I

Matagal ng kadiliman lang ang aking nakikita.

Sa aking sarili ay matagal ng naging pabaya.

Dumating ka at hindi na ako muli pang magiisa.

Ngunit dinatnan mong puso'y durog-durog na.

Mgła

image credits: shutterstock

Gusto ko na noong nakawin ang sarili kong oras sa reyalidad. Pagisipan ang mga bagay-bagay at mga kaganapan sa buhay. Madaming nakabitin sa aking isip. Habang ang mundo, mas sumisikip at mas nagiging mapanakit.