Silweta

image credits @istock

Bumyahe kahit walang patutunguhan

Hinahanap ang sa buhay ko'y kabuluhan

Silweta mo'y patuloy na nararamdaman

Na parang kailanama'y hindi ka lumisan

Muling magdiriwang sa aking kalungkutan

Ang mga mata kong gustong magpaulan

Tila maitim na ulap na wala namang laman

Kalubhaan ang sa akin ay tanging naiwan

Niligaw ako ng sarili kong kahalayan

Sinira ako ng sarili kong kalokohan

Binago ng aking pakikipag matigasan

Dinurog at nilamon ng aking kainggitan

Magpapabalik-balik lang sa kawalan

Ligaw na ang sinisigaw ay iyong pangalan

Kung ako o ikaw ba ang nakulangan

Bakit nang iwan ng walang kalinawan

Sa basag na salamin ko na lang natagpuan

Sariling 'di na rin alam ang kakilanlan

Bakit sa huli ko pa kailangang malaman

Patalim mong pag amin sa buong katotohanan

~~