Peklat

art credits: jessica getz

Marami na rin ang itinapong hamon sa ating daan hanggang sa nasabi ko sa sariling baka hindi talaga pwede? Maaaring mahina ako sa isip nila pero ginapang ko na ang lahat ng suliranin, higit pa sa inaakala nila. Ang sagot upang matapos lahat ng aking pinagdaanang sakit, at paghihirap, hindi sa tagumpay ngunit sa tuluyang pagbitaw ko pala matatamasa. Sa una ay pangamba ko nang sa ganito matatapos ang lahat ngunit ano ba ang masama sa sumubok? Marunong naman akong maghintay. Ngunit hindi pala talaga ito kaso ng "Kailan" kun'di ng "Papaano?".

Kalimutaw

credits: mnhs ta ~ supreme student government 

Narito na ang iyong pangarap. Ang powdered milk sa tuktok ng ice-scrumble 'ika nga. Ito na ang napakatagal mong hinintay. Kahit alam kong maraming mga pagbabago ang naganap dahil hindi natin kayang manatiling mga batang puno ng pagpupursigi habang nakasakay tayo sa ating pagmamahalan patungo sa malayong lakbayin-sa ang ating mga pangarap.

Sementara

image credits: wendy bray

Nakahiga sa damuhan na parang walang problema sa buhay. Dama ang buntong hinga ng kalikasan sa aking balat, sa mata ay pagkilos ng mga ulap lang ang tanging palabas. Ngunit pagtumbalik sa realidad, ako'y nasa kwarto lang, tinatakasan ang liwanag hanggang sa tuluyang ang gabi ay sumapit na.

Alamat ng Taal

art credits: abremson

"Paunawa. Ang akdang ito ay orihinal na kwento na aking ipinaskil sa www.kwentistablog.blogspot.com. Ito ay personal kong isinulat, hindi ito para sa mga proyekto o' aralin sa mga paaralan. Salamat po sa inyong pagbasa at pagbisita sa aking blog :)"  -AldrinEspiritu(Blindpen)

Si Benita, pangalawa sa walong magkakapatid. Kahit kailan ay hindi nagkaroon ng pagkakataon si Taal na makilala ang kahit sino sa kapamilya o' kahit kamag anak man lang ni Benita ngunit palagi niyang nababanggit ang kaniyang mga kapatid na si Kanlaon at Musuan. Tahimik daw ang mga kapatid niyang iyon ngunit mahirap biruin. Palagi niya ring reklamo kung bakit silang dalawa lang ni Hibok ang pinagkaitan ng tangkad sa magkakapatid.