Mga Serye

image credits @lovepik

Maraming serye ang ating mga buhay. Mga serye ng paglalakbay. Mga serye ng pagbangon sa kabigatan. Mga serye ng kilig at kagalakang nararamdaman. Mga serye ng takot at kahinaang natutuklasan pa lamang. Mga serye ng paghihinagpis. Mga serye ng paulit-ulit lamang na araw-araw nating karanasan. Mga serye ng paghanap sa totoong ikaliligaya ng ating puso't isipan. Mga serye ng paghingi ng tulong sa ating Panginoong may kapal. Mga serye ng kalukutan sa nawalang minamahal. Mga serye ng sama ng loob nating nararamdaman, at marami pang seryeng hindi mabilang.

Pugay sa Patay

photo credits @museo ng muntinlupa

Sa mundo ay namaalam

Mga Mahal ay naiwan
Hindi man kagustuhan
Buhay ay may kawakasan

Biskwit

cresits: 2pots2cook

Naaalala ko pa noong bata pa ako. Tuwing uuwi kami ng San Isidro ay hindi makakalimutan ni Itay na dumaan sa pamilihan para magpasalubong sa mga kamag anak ng isang timbang biskwit. Yung may mga nangangabayong bata sa pabalat, mura lang at matagal talagang maubos dahil mauumay ka na lang sa dami tuwing tatanggalin mo ang takip.

wabi-sabi

photo credits @istockphoto

Sa bawat tinatago ng ating damdamin
Naka kubli ang sakit na hindi natin maamin
Bawat ngiti na sa kanila'y tinakpan natin
Ligaya pala nila ang ipinagkakait natin

Paikot-ikot Lang Naman Tayo

photo credits @cheapings.top

"Paikot-ikot lang naman tayo." Sabi ko kay Machie, nung naghahanap siya ng kung ano sa paligid. Anong pwedeng makain, anong pwedeng mabili, anong pwedeng tignan, anong pwedeng usisain, at anong pwedeng pagkwentuhan. Kanina pa kami palakad-lakad, nakailang labas-'masok na rin kami sa mall, at mga pamilihan sa daan. Hindi kaya marami na syang naisip gawin at bilihin pero hindi pa kasi ako humugot sa aking bulsa. Sana hindi. Dahil wala rin naman kasi akong masyadong dalang erap.

Hindi Ka Ba Nauumay Sakin?

photo credits @pxfuel

"Hindi ka ba nauumay sakin?" tanong ni Ira na may halong pag aalala. Kahit pa alam naman niya ang sagot ko sa tanong niya. Kahit pa ang nakakaumay lang naman talaga ay ang paulit-ulit na pagtatanong niya.

"San ba tayo ngayon Love?" sagot ko naman na halatang paraan ng pag skip ko sa tanong niya.

Ating Daungan

photo credits @ynalove

Hindi mapapagod ang bibig ni Wena ipaalam sa akin kung gaano siya kapalad. Sa tagal ng panahon, makakatagpo din pala siya ng isang tulad ko. Aminadong hindi perpekto ngunit para sa kaniya ako ay natupad na pangarap. Ang lalaking ituturing siyang prinsesa, ang lalaking rerespetuhin ang pagka babae niya, lalaking pakikinggan at iintindihin ang nga nararamdaman niya, lalaking sasama sa kaniya kahit saan, lalaking handang hingiin muna ang kamay ng magulang niya bago ang sa kaniya.

Walang Alam na Pag-ibig

art credits @saachiart

Nagising akong lasing padin sa katotohanan. Kagabi, ilang dating kasintahan kaya ang sinubukan kong tawagan? Siguradong pinagtawanan ang hibang nilang kainuman. Walang-wala na pero naghahanap pa rin ng sa kanila'y maipagmamayabang. Bakit kasi hindi ko kayang tanggapin ang katotohanan. Kung bawat relasyong nagdaan na ang patunay na ako'y kaiwan-iwan.

Liwanag sa Laoag

photo credits @dirk_sigmund

May nakatagong mensahe ang hindi niya pag ngiti at pagsasalita. Nakaupo sa batong nakursunada. Nakahanda nang postura para mag tampisaw ngunit salumbaba niya ang bigat ng masungit na mukha. Siya naman talaga ang nagyaya ngunit parang hinihintay lang niyang may malaglagan ng buko sa aming mga kasama. Sa arkilang sasakyan pa lang ay nabutas na ang aking bulsa. Ngunit literal na mukhang hindi ko pa rin napasaya ang aking Sinta.

Sa Manati

photo credits @travelingmorion

Magkasama nating tatakbuhin muli ang tuktok ng Manati sa aking isip. Mga batang isip. At walang ibang inisip kun'di ang pagbilis ng panahon para ang kalayaan ng pagdedesisyon sa buhay ay makamit. Nandoon ang puno ng Balete na ating sandalan, bulungan, at takbuhan. Kung tutuusin, ikaw talaga ang lahat ng 'yon sakin. At hiling kong sana ako sayo ay ganon din.

Binangonan

photo credits @iamnoempty

Natagpuan kitang may bigat sa 'yong mga mata. Nagtatanong sa'yong sarili at tila naghihintay lang ng makakausap para ilabas ang mga kasakitang hindi mo inakalang mararanasan mo sa'yong buhay. Kahit saglit lang ay kakayanan mong manlunod ng isang damdamin at sa kaniya'y iparamdam na-wala ang lahat ng 'yong karanasan sa bawat pilay na masakit kong binangunan.

Gaano Ko Ikaw Kamahal

photo credits @ynalove

Madaling sabihin ang ating mga nararamdaman. Ngunit sigurado bang tayo ay maiintindihan? Madaling sabihing-nilimot ko na ang nakaraan. Ngunit sa puso mo'y ito ba ang  tunay na nararamdaman? Madaling umibig at magpaibig. Ngunit sigurado bang hindi tayo masasaktan? Madaling sabihing-kaya ko pa naman. Ngunit malalaman ba nila kung gaano ka nahihirapan?

Oras Na Ba?

photo credits: funeralforafriend

Tapos na ang mga pagdiriwang at pagugulungin nating muli ang mga araw patungong Disyembre. Hindi ang bawat kahapon ang dapat nating alalahanin-'ika niya. Hindi na nga ba dapat pang alalahanin dahil hindi naman talaga kailanman ang mga alaalang dulot nito'y naging maganda?

Atelophobia

image credits: PNGTree

Sinindihan ang sigarilyo para bisitahin ang dalawang minuto ng pagiisip kung bakit tuluyang pinapatay ang aking sarili. Matapos ang paninira nito'y itatapon sa sulok at kukumbinsihin ang sariling huling beses na 'yon kahit alam hindi 'yon ang mangyayari.

Mohoao

credits: S A D

Sampung libong distansya ang kaniyang ipinabatid. Hiling lang naman talaga ang Pagibig at sa una pa lang ay alam ko nang mahirap itong makamit. Ngunit bakit pakiramdam ko'y pinatayan ako ng ilaw sa paghahanap ko ng susing sa una palang ay hindi ko alam ang hugis.

Malak

photo credits: everesthillsmemorial

Naisip ko habang naglalakad kami ni Ingrid, lahat kaya ng tao sa mundo ay walang alam sa  kung sino sila noong nakaraang buhay nila? Gaano sila katagal nabuhay, sino ang mga naging kabigan nila, sino ang pamilya nila. Hindi kaya alam nila kung sino ang naging kabiyak ng puso nila noon? O kaya makaramdam man lang sila ng kakaiba kapag muli nilang makasalamuha kung sino man ito?.

HNDKRNALM!

image credits: vectorstock

 Sinubukan ko kung maluluto talaga ang itlog sa init ng semento. Sinayang ko yung apat na piso. Bigay pa naman 'yon ni Jake, si Jake nakakabilib siya, talagang tinupad niya ang pangako sa magulang na magtatapos at balang araw ay siya ang magaangat sa hirap niyang pamilya. Sa ayos at pananamit pa lang niya ay sigurado naman akong natupad na niya.

Orca

image credits: redbubble

Parang pagpasok sa langit ang paglapit ko sa'yo. Pagtapos kasing hawiin ang mga ulap ay ganda mo ang sumalubong sa akin. Pero hindi talaga ulap 'yon kun'di usok ng vape mo. Kung bakit kasi hindi mo pa matigilan ang bisyo. Dapat pala si Jenny na lang ang nanalo!-agad mong bungad sa akin. Tignan mo ohh, baka last puff ko na nga 'to on a public place-Dagdag mo pa habang kunot noo pa rin ako dahil hindi maintindihan kung ano ang ibig mong sabihin.

Ados

image credits: avgust

Sana kung nasaan ka'y inaaalala mo pa rin ang ating mga kahapon. Sana mahigpit pa rin kitang nayayakap sa buong maghapon. Sana ang araw-araw na pagalala sayo'y hindi lungkot ang pabaon.

Q5G2+6GW

credits: ricardolaranjo

Paano tayo dito nakarating? Walang malinis na hangin. Makahinga man dito ay masasakal ang pagkataong iningatan natin. Nasaan na ang damuhan? Isang iglap ay malulutong na ang kahoy ng mga punong nagsimatay, maging ang mga bulaklak at halaman ay wala nang lahat. Lahat ng matatahanan nati'y tuyot na at hinahangin. Ngayon ay usok at dumi na ang bumabalot. Paano natabunan ang ating mga pangarap?