Q5G2+6GW

credits: ricardolaranjo

Paano tayo dito nakarating? Walang malinis na hangin. Makahinga man dito ay masasakal ang pagkataong iningatan natin. Nasaan na ang damuhan? Isang iglap ay malulutong na ang kahoy ng mga punong nagsimatay, maging ang mga bulaklak at halaman ay wala nang lahat. Lahat ng matatahanan nati'y tuyot na at hinahangin. Ngayon ay usok at dumi na ang bumabalot. Paano natabunan ang ating mga pangarap?

Mahal, huwag mo akong lilimutin at hindi ako kailanman mangangalawang. Maging maselan ka sana, at pagisipang mabuti bago ipautang ang iyong pagtitiwala sa iba. Huwag kang lalayo sa ating kasanayan. Padaanin ang mga bangungot, buhayin ang bawat panaginip. Maging kung ano man ang iyong pinapangarap. Huwag mo akong alalahanin, ang bubog na pumatay sa akin ang magpapaigting sayo'ng mga mithiin sa paglisan mo sa tambakan ng rizal landfill.

~