Sigaw pa rin ng puso ko ang iyong ngalan
Naririnig mo pa rin ba?
Pag-ibig na para sa'yo lang at walang iba
Laman ng damdamin simula pa noong una
Gusto kong haplusin ang maganda mong mukha
Malabot na mga kamay mo ay mahawakan
At damhin muli ito kahip pa panandalian
Luha mula sa mata'y nais kong punasan
Nais kong muli na maging iyong sandalan
Ibabalik ang ngiti at kasiyahan
Lalagpasan kung anuman ang pinagdaraanan
Hindi ko ginusto ang ika'y iwanan
Sadyang may guhit ang tadhana na 'di maiiwasan
Ganon pa man ay hindi ka nagiisa
Mananatili akong nasa tabi mo, makakaasa ka
Mananatili ang pangako na hindi ka pababayaan
Mananatiling tapat sa ating pinagsumpaan
Ngunit hindi kailangang mapako ka sa nakaraan
Ipagpatuloy ang buhay na sa damdamin ay may kalayaan
Naririnig mo pa rin ba?
Noon pa man ang ginusto ko ay ang maging masaya ka
Sakit na dulot ng kahapon ay kalimutan na
Panahon na upang hanapin mo ang 'yong ikaliligaya
No comments:
Post a Comment