Bulawan

image credits: artists & illustrators

Pinagmasdan ko muna siya sa malayo bago ko siya tuluyang lapitan. Ang distansya ng aming pagkatao ay milya at mahirap paniwalaan. Parang ngiti lang niya ang sinadya ko doon sa complex at maari na akong umuwi. Ramdam na ramdan ko kung gaano ako kapalad na makakilala ng isang tulad niya. Gusto ko siyang pasalamatan sa pagdating niya sa buhay ko ngunit hindi na kailangan, wala siyang ideya kung gaano niya ako napapasaya.

Gamotonimya

Gusto kita. Gusto kong akin ka lang ngunit bigo ang isang buhay Gamugamo. Sa pagsabay sa akin ng kamalasang tadhana, maaari ko pang guluhin ang iyong tainga ngunit matagal mo na akong pinandirihan at pinagtabuyan.

Bong Its

credits: prison photography

Malayo sa aking tahanan, walang patutunguhan, malabo ang pagkatao't isipan. Kung ako'y nasaan, doon matao ngunit walang nilalaman. Sa aking tainga ay ang lumang awitin ang naiwan, awitin mula sa kababawan ng lupang tinatapakan na aking palang kakambal.

Planeta ni Sarah

credits: derek_ye

Isang malagkit na titig na naman sa larawan ng aking pinakamamahal. Araw araw akong gigising na nandito siya sa aking tabi kahit larawan lang naman talaga niya ang nandoon at unan lang naman talaga ang yakap ko't hindi siya, ni hindi pa nga napunasan ang natuyot kong laway sa mukha ay siya pa rin ang una kong inalala.

Tubigan

credits: favim.com

Sa akin ay maniwala ka lang

Makakarating muli tayo sa tubigan

Paligid niya'y iyong pagmasdan

Iduduyan ng hangin sa nakaraan

Tubig niya'y muling hawakan

Kapayapaan ay muling makakamtan

Sulo

credits: TrekEarth

Maglalaho ang mga bituin ang mundo natin araw ay muling sasalubungin. Liwanag mo parin ang aking aalalahanin, ang liwanag mo na siyang nagbibigay ng buhay sa akin. Ikaw ang Sulo sa aking mga kamay, naghahatid ng liwanag sa aking daan. Alam ng Diyos kung gaano kita kailangan, ngunit tulad ng isang Sulo, kung gaano ka kaliwanag ay ganon lang din kabilis itong mamamatay. Sa ngayon, hindi ko alam kung ilang gabi't araw pa ang kaya kong salubungin na wala ka.

#TiktikKalawang