Saro 2

credits: lester mirabueno

Tulad ng inasahan ay doon ka nga dumaan at agad mo akong natanaw. Walang maitutulad sayo'ng kagandahan kaya sana'y alisin na ang pangamba't takot sa iyong mukha. Huwag kang magalala, ito na ang huling pagkakataong sarili ko'y sasaktan.

Isuot na sanang muli ang saya sa iyong mukha. Sayang naidudulot ng pagiisip na natanggap ko na ring ang pamamagitan natin na'y nagwakas. Maging masaya na lang para sa akin, dahil katotohanan ay kaya nang harapin. Nandito lang ako, makikinig, magaabang. Dala lang ay pagasang alam kong matagal mo nang sinukuan.

Ang Mga Torpe Sa Rooftop

credits: ernst haas

"Uyy!" Ganon na lang ang gulat ni Jess. Hindi niya kasi inasahan ang ginawa ni Keisha na akala niya ay tahimik na tatabi lang sa kaniya katulad ng palagi nitong ginagawa sa tuwing aakyat sa rooftop ng bliss sa ilalim ng water tank kung saan sila madalas maupo lang at magpalipad ng mga oras. Idagdag pa na cellphone niya ang ibinato ni Keisha sa kawalan na bagong bili pa naman.