Pagbabalik

credits: definitely filipino

Halos bumbunan na lang ng araw ang aking tanaw

Liwanag ng pamamaalam niya'y sadyang nakakapukaw

S'yang kasaganahan ang hatid sa aming hanapbuhay

S'yang liwanag at bagong simula ang hatid sa ating buhay

Isang masaganang araw ang ngayo'y magwawakas

Sasalubungin ko ang aking Pamilya, ang aking Lakas

Sa kanilang mga mata, kasiyahan muli kong nasilayan

Sa aking puso't damdamin ay lubos na kaligayahan

Nais kong iparating ang aking pasasalamat

Sa pagkakabagsak ay unti-unti ng makakaangat

 Pasasalamat sa Itaas, sa kabila ng delubyo kami'y ligtas

Pasasalamat sa mga kapwa Pinoy na sa pagtulong ay bukas

 ~~ o ~~

Munting alay at pasasalamat sa Bantayan Back to Sea Project at mga sumusuporta para sa tauwaya kanilang kawang-gawa na pagtulong sa ating mga mangingisda sa Bantayan na naapektuhan ng husto ang hanapbuhay dahil sa bagyong Yolanda.